Two Wrongs Making It Right

Það suðar í eyrunum mínum og mig verkjar í bakið og hálsinn.

Jájá, einmitt. Við fórum að sjá Pixies í gær og það var ekki lítið rokk.

Við keyptum 5 miða þar sem Hjörtur (bróðir minn) ætlaði að koma og draga eitthvað fólk með sér en hann komst ekki svo við seldum 2 miða á tvöföldu verði og vorum svo orðin svo stressuð af því við værum svo sein (klukkan var 7 og tónleikarnir byrjuðu 8) að við seldum þann síðasta á kaupverði (33 evrur - um 3 þúsund krónur) fyrir utan svo við enduðum í raun á því að borga um það bil 700 krónur hvort fyrir miðana.

Þegar við svo komum inn fengum við bara sæti á besta stað, þetta var soldið eins og laugardalshöllin nema ekki jafn mikið gólfpláss og við fengum sæti beint á móti sviðinu í fjórðu röð. Ekki það að við stóðum upp þegar Pixies byrjuðu að spila og settumst ekki meira niður eftir það.

Mogwai mættu með derhúfurnar sínar og spiluðu stonerrokk til að hita upp.
Mér fannst þeir soldið Sigurrósarlegir í þeim skilningi að þeir framkölluðu rosalega mikinn hávaða með gíturunum sínum svo úr varð gott lag en Sigurrós eru þó mun betri í þeirri list. Svo fannst mér þeir hálf artí-fartí eitthvað að skipta um gítar fyrir hvert lag og eitthvað á meðan lögin voru ekkert það spes. Hefði haft meiri skilning fyrir þessu ef þetta hefðu verið einhver meistaraverk.
Mér fannst þetta ekki alveg rétta bandið til að hita upp fyrir Pixies og undir endann var ég eiginlega bara farinn að bíða eftir því að þeir lykju þessu af.

Pixies byrjuðu á því að taka Bone Machine og héldu svo áfram með hverja snilldina á fætur annarri. Rokkuðu feitt allan tímann og var ekki hægt að setja út á þetta á nokkurn hátt.
Þessir tónleikar voru vægast sagt snilld.

Eftir tónleikana keyptum við okkur auðvitað Pixies varning (ég fékk bol og Íris fékk tösku) og fórum svo í lestina og sváfum alla leið heim.

Nú er málið að fara út og kaupa sér Surfer Rosa.

Svo eigum við tvo miða í topp sæti á Pixies, The Roots og Red Hot Chili Peppers þann 15.

Lifið heil

|

posted by Daniel F. @ 2:04 p.m.